ಪಿಸೊಳೆಂ

ಸೊಬಿತ್ ಪಿಸೊಳೆಂ ಹೆಂ ಅಜ್ ಕಂಯ್ ತಾವ್ನ್ ಉದೆಲೆಂ
ನಾಂ ಅಜ್ ಮುನಾಸರ್ ಅಗ್ಣಾಂತ್ ಮಜಾ ದೆಕಲ್ಲೆಂ 

ಫುಲಾಂ ತಾಂವ್ನ್ ಫುಲಾಂಕ್ ತುಂ ಉಡ್ತಾಲೆಂಯ್
ಸೊಗ್ಳೊ ದೀಸ್ ಇತ್ಲಾಂತ್ ಮಜಾ ನಾಸ್ತಾಲೆಂಯ್
ಪೊಕ್ರಿ ದೊಶಿನಿ ಮಾಕಾ ಪಿಶ್ಯಾರ್ ಗಾಲ್ತಾಲೆಂಯ್
ವಯ್ ಖಂಡೀತ್ ತುಂ ಮೊಜೊ ಮೋಗ್ ಕರ್ತಾಲೆಂಯ್

ಹಾಂವ್ ಏಕ್ ಪಿಸೊ ಸೊಬಾಯೆಕ್ ತುಜಾ ಪಿಸ್ವಾಲೊಂ
ಅಸ್ಕತ್ ಜೀವ್ ಮಜೊ ದರುಂಕ್ ತುಕಾ ಉರ್ಡಾಲೊ
ಎಕ್ ದೀಸ್ ಸಾಂಡುನ್ ಗೆಲೆಂಯ್,ಇತಾಲ್ ಸಗ್ಳೆಂ ಸಸ್ಫಾಲೊಂ 
ಪಾಟಿಂ ಪೊರ್ತುನ್ ಐಲೆನಾಂಯ್ ,ಹಾಂವ್ ಗೊ ಪಿಸೊ ಜಾಯಿತ್ ಗೆಲೊಂ. 



                                          ತುಮ್ಚೊಚ್....
                                          ಸನ್ನಿ ಸಿದ್ಧಕಟ್ಟೆ

ಪಾವ್ಸ್

ಪಾವ್ಸ್                      

ಪಯ್ಲ್ಯಾ ಪಾವ್ಟಿಂ ತುಂ ಪಡ್ತಾನಾಂ

ಸುಕುಲ್ಲ್ಯಾ ಮಾತಿಯೆಂತ್ ಪಾವ್ಳೆ ತುಜೆ ಜಿರ್ತ್ತಾನಾಂ

ವ್ಹಾವ್ ಕಸಲೊ ಪರ್ಮಳ್ ರೆ ತುಜೊ ಅತಾಂಯ್ ಮಾಕಾ ಚಿಂತ್ತಾನ

ಇಸ್ಕಾಲಾಚಾ ವಾಟೇರ್ ತುವೆಂಚ್ ಮಾಕಾ ನಾಡಾಯಿಲ್ಲೆಂಯ್

ಸತ್ರಿ ಪೊತೆಂ ಉಡೊವ್ನ್ ಬೆನ್ಸಾ ರುಕಾರ್ ಚಾಡಾಯಿಲ್ಲೆಂಯ್

ಪೊಟ್ಬೊರ್ ಬೆನ್ಸಾ ಖಾವೊವ್ನ್ ,ಬುತ್ಯೆಂತ್ ತೊಡಿಂ ಬಾಂದುನ್ ಗೆವೊನ್

ಮಾಂಯ್ನ್ ಬೊಡಿಯೆಂತ್ ವಾಚಾಯ್ತಾನಾ ಗದ್ಯಾ ಮೇರೆರ್ ದಾಂವ್ಡಾಯಿಲ್ಲೆಂಯ್

ರಾತ್ ಬೊರ್ ತಾಪನ್ ಹಾಂವ್ ಖಡ್ತಾನಾ

ಮಾಂಯ್ಚಾ ಉಸ್ಕ್ಯಾರ್ ವೊಲಿ ಬಿತರ್ ಗುಟ್ಲಿ ಜಾವ್ನ್ ಹಾಂವ್ ನಿದ್ತಾನಾಂ

ನಳ್ಯಾ ಇಡ್ಯಾಂತ್ಲ್ಯಾನ್ ಪೊವೊನ್ ವೊಲಿರ್ ಮಜಾ ಪೊಡ್ತಾಲೊಯ್

ಮಾಂಯ್ಕ್ ಮಜಾ ಖಬರ್ ನಾಸ್ತಾನ.

ಅತಾಂಯ್ ಪಿಶೆ ಮಾಕಾ ಲಿಪ್ಚೆಂ ತುಜಾ ಬಾವ್ಳ್ಯಾನಿಂ

ದೀಸ್ ರಾತ್ ಖೆಳ್ಚೆಂ ತುಜಾ ಪಾವ್ಳ್ಯಾನಿಂ 

ವಿಚರ್ತೆಲಿ ಮುಳ್ಳಿಂ ನತ್ಲಿಂ ಕೋಣಿಂ

ಸೊಡುಲ್ಲ್ಯೊ ಜಾಯಿತ್ ಕಿತ್ಲ್ಯೊ ಕಾಗ್ದಾ ದೊಣಿ

                                     ತುಮ್ಚೊಚ್

                                     ಸನ್ನಿ ಸಿದ್ಧಕಟ್ಟೆ