ಕಾಳ್ಜಾ ಗಲ್ಲೆ೦ತ್........
ಬುಧವಾರ, ಸೆಪ್ಟೆಂಬರ್ 21, 2016
ಮಂಗಳವಾರ, ಸೆಪ್ಟೆಂಬರ್ 6, 2016
ಮೊಂತಿ ಫೆಸ್ತ್......
ಮಾಂಯ್ ತುಜೊ ಜಲ್ಮಾ ದೀಸ್ ಮ್ಹುಣ್ ಆಜ್,
ಬೊಂವ್ತಿಂ ತುಜೆ ಪೊಡ್ಲಿಂ ಭುರ್ಗಿಂ ರಾಸ್.
ಗೆವ್ನ್ ಹಾತಿಂ ಅಪ್ಲಿಂ ಸೊಬಿತ್ ಫುಲಾಂ,
ಅರ್ಪುಂಕ್ ಲಾಗ್ಲಿಂ ತುಕಾ ಸವ್ಕಾಸ್..
ಕಾಲ್ಚಾ ಸಾಂಜೆರ್ ಹಿತ್ಲಾ ದೆಗೆರ್,
ಕುಂಟುಲ್ಲಿಂ ಜಾಯ್ತ್ ಫುಲಾಂ ಹಜಾರ್.
ತಾಂತ್ಲೆ ಥೊಡೆ ಬೊಂಗೆ ಸಬಾರ್,
ಫುಲೊನ್ ರಾವ್ಲ್ಯಾತ್ ಆಜ್ ಫಾಂತ್ಯಾರ್..
ಸಾಂಜೆರ್ ಕುಂಟುಲ್ಲಿಂ ತಿಂ ಶಿಂವ್ತಿ ಅಬೊಲಿಂ,
ಟೊಪ್ಪಿ, ಕಗ್ದಾಂ ಫುಲಾಂ ಕಾಡ್ನ್ ಹಾಡ್ಲೆಲಿಂ ಜಾಯ್ತ್ ಕಿತ್ಲಿಂ.
ಜಿಡ್ಡೆ, ಮೊಗ್ರಿಂ, ಗೊಂಡೆಂ ಆನಿಂ ಜಾಯ್ತೆ ಗುಲೊಬ್,
ಭೆಟೆಯಾಂ ತಿಕಾ ಮಾಂಯ್ ತಿ ದುಲೊಬ್..
ಗಾದ್ಯಾ ಮೆರೆರ್ ಸೊಬಾಯ್ ಕಿತೆಂ,
ತರ್ನಿ ಕನ್ಶಿ ನಾಚ್ತಾ ಪೊಳೆ.
ವಿಂಚುನ್ ಕಾಡ್ಲಾಂ ತಾಂತ್ಲೆಂ ಥೊಡೆಂ,
ಲುವೊನ್ ಹಾಡ್ಲಾಂ ಪಯ್ಲೆಂ ಬೆಳೆಂ..
ಆಳುಂ ದೆಂಟೊ, ಕಾರತೆಂ ತೊವ್ಶೆಂ,
ರಾಂದ್ವಾಯ್ ಸುಮಾರ್ ತ್ಯಾ ಕೆಳ್ಬ್ಯಾ ಕೊಲ್ಯಾರ್.
ರುಚಿಕ್ ರಾಂದಾಪ್ ರಾಂದ್ಲಾಂ ವೊರ್ನಾ ಸವೆಂ,
ದುದಾಂತ್ ಗಾಲ್ನ್ ಸೆವ್ಯಾಂ ಆಜ್ ನವೆಂ..
ತ್ಯಾ ಕೊಬಾಬರಿ ಗೊಡ್ಶೆಂ.
ಸಸಾಯ್ ತುಜಿ ಮಾಗ್ತಾಂವ್ ಮಾಂಯ್,
ರಾಕ್ ತುಂ ಆಮ್ಕಾಂ ಸಾದಾಂಚ್ ಅಶೆಂ..
-ಸನ್ನಿ ಸಿದ್ಧಕಟ್ಟೆ
ಗುರುವಾರ, ಸೆಪ್ಟೆಂಬರ್ 1, 2016
ಬೊಗ್ಣಾಂ ಮಸ್ತಿ.....
ಕಾಳ್ಜಾಂತ್ ತುಜ್ಯಾ ಏಕ್ ಬಿಡಾರ್,
ತಯಾರ್ ಕರ್ ಗೋ ಮ್ಹುಜ್ಯಾ ವಸ್ತೆಕ್..
ಬೊಗ್ಣಾಂ ಹಿಂ ಗೆಲ್ಯಾಂತ್ ಆಜ್ ಮಸ್ತೆಕ್...
ಸಾಂಜ್ ಜಾಲಿ ಮ್ಹುಣ್ತಾನಾ,
ಚಾಂದ್ನೆಂ ಕರುಂಕ್ ಲಗ್ಲಾಂ ಸಿಂಗಾರ್..
ತುಂಯೀ ಯೆ ಅತಾಂ, ಪೆಟುನ್ ಹಾಡ್ಲಾಂ ಬಾಂಗಾರ್...
ಉಮ್ಯಾ ಪಾವ್ಸ್ ಪಡ್ತಾಲೊ,
ತಾಂಬ್ಶ್ಯಾ ಪೊಲ್ಯಾರ್ ರಾಸ್..
ಮೊತಿಯಾಂ ಆರಾಂವ್ಕ್ ಯೆ ಗೊ ತುಂ ಆಜ್...
ಮೊಗ್ರೆ ಗುಂತುನ್ ಕೆಲ್ಯಾತ್ ತಯಾರ್,
ಹಾತಾರ್ ಕಿಣ್ ಲ್ಯಾಂತ್ ಕಾಂಕ್ಣಾಂ..
ಮೊಲಾವ್ನ್ ಹಾಡ್ಲ್ಯಾಂತ್ ಝನ್ ಝನ್ ಪಾಂಯ್ಜಾಣಾಂ...
ಕೆಸಾರ್ ತುಜಾ ಸರ್ಲಿಂ ಬೊಟಾಂ,
ವೆಂಗ್ ಅಮ್ಚಿ ಅರ್ನ್ದಲಿ ಬೊಳಾನ್..
ಜಾಲೆಂ ಆಮ್ಚೆಂ ಮೊಗಾ ಮಿಲನ್...
-ಸನ್ನಿ ಸಿದ್ಧಕಟ್ಟೆ
ಶುಕ್ರವಾರ, ಆಗಸ್ಟ್ 26, 2016
ತುಂ ನಾಸ್ತಾನಾ.......
ಘಾರಾ ಮುಕ್ಲಿ ವಾಟ್,
ಕಾಂಟ್ಯಾ ಕುಂಟ್ಯಾನಿ ಬೊರ್ಲ್ಯಾ...
ಅಂಗ್ಣಾಂತ್ ತಾಣಾ ರಾಸ್,
ಎಕ್ಸುರ್ ಪಣಾಚಿ ಅರ್ ಬೊಳಾನ್ ಮಾರ್ಲ್ಯಾ...
ಘರ್ಚೊ ಪೆಟೊ ವಾಟ್ ರಾಕ್ತಾ,
ಸಾಂಜ್ ಬುಡೊಂವ್ಕ್ ಲಾಗ್ತಾನಾ...
ಶಿಜ್ ಲ್ಲಿ ಪೆಜ್ ವೊತುನ್ ಗೆಲ್ಯಾ,
ವಾಳುಂಕ್ ಕೊಣಿಂ ನಾಸ್ತಾನಾ...
ತುಕಾ ಮ್ಹುಣ್ ಹಾಡ್ ಲ್ಲಿಂ ಕಾಂಕ್ಣಾಂ,
ಮಾತಿ ಖಾಂವ್ಕ್ ಲಾಗ್ಲ್ಯಾಂತ್...
ಎಕ್ಸುರಿಂ ಪಡ್ಲ್ಯಾಂತ್ ಪಾಂಯ್ಜಣಾಂ,
ತುಜ್ಯಾ ಪಾಂಯಾರ್ ಸೊಬ್ಚೆಂ ನಶಿಬ್ ನಾಸ್ತಾನಾ...
-ಸನ್ನಿ ಸಿದ್ಧಕಟ್ಟೆ
ಶುಕ್ರವಾರ, ಆಗಸ್ಟ್ 12, 2016
ತುಜ್ಯಾ ಪಾವ್ಳ್ಯಾನಿಂ.....
ಪಾವ್ಳೆ ತುಜೆ ಕೊಣೆಂ ಸೊರ್ಲೆಂ...
ಪರ್ಮಳಾ ಸವೆಂ ಧರ್ತೆಂತ್ ಜಿರ್ಲೆಂ.
ತಾಂತ್ಲೆ ಥೊಡೆ ಕಾಳ್ಜಾಕ್ ಅಶೆಂ ಮರ್ಲೆಂ...
ಜೀವಾಕ್ ಥಂಡಾಯ್ ದೀಂವ್ಕ್ ಲಗ್ಲೆಂ.
ಸಾಂಜೆ ವೆಳಾರ್ ಬೊಯ್ಲಾ ಬೆಟಾಂತ್ ತುಚೊ ನಾಚ್...
ಮ್ಹುಜೆಂ ಸವೆಂ ತುಜೆಂ ಮೊಗಾ ಮಿಲನ್ ಆಜ್.
ಕಾನಾಂತ್ ಮ್ಹುಜಾ ಗಾಜ್ತಾ ತುಜೊತ್ತ್ ಅವಾಜ್...
ಖರೆಂಜ್ ಸಾಂಗ್ತಾಂ ಆಜ್ ಮ್ಹುಜೆಂ ಸತ್ಯಾನಾಸ್.
ವಳು ವಳು ಯೆ ತುಂ ತುಜ್ಯಾ ಪಾವ್ಲಾನಿಂ...
ಬಿಜಯ್ ಮ್ಹಾಕಾ ಸಾದಾಂಸ್ ತುಜ್ಯಾ ಪಾವ್ಳ್ಯಾನಿಂ.
ಜಶೆಂ ಪಯ್ಲ್ಯಾ ಮೊಗಾ ಬರಿಂ...
ಸಾದಾಂಸ್ ರಾವ್ ಮ್ಹಜ್ಯಾ ಕಾಳ್ಜಾಮನಿಂ.
-ಸನ್ನಿ ಸಿದ್ಧಕಟ್ಟೆ
ಗುರುವಾರ, ಆಗಸ್ಟ್ 4, 2016
ಕಾಳೆ೦ ಜಾದೂ.....
ಘರಾ ಪಾಟ್ಲ್ಯಾ ರಾನಾ೦ತ್ ಮ೦ದ್ ದಿವೊ,
ಸಸ್ಪಾತಾ ಕೋಣ್ ಎಕ್ಲೊ ಘೆವ್ನ್ ಹಾತಿ೦ ಉಜೊ...
ಶೀತಲ್ ವಾರೆ೦ ವಾಳ್ಳೆ೦ ಕಾ೦ಪ್ಲೊ ಹಾಳ್ತಾರ್ ಜೀವ್ ಮ್ಹುಜೊ
ಹಪ್ತೊಬರ್ ತಾಪನ್ ಕಡ್ಲೊ೦
ತಾ೦ಬ್ಲೊನಾ೦ ಕುಲ್ಕುಲೊ..
ರಾತ್ ಸರ್ತಾ ನಿದೆ೦ ವಿಣೆ೦..
ಪೊಡ್ತಾತ್ ತಿ೦ಚ್ ಸೊಪ್ಣಾ೦..
ಸುಕ್ಯೊ ಕೊಲಿಯೊ ಅವಾಜ್ ದಿತತ್
ದೊಸ್ತಾತ್ ವಿಚಿತ್ರ್ ಬೊಗ್ಣಾ೦..
ದೀಸ್ ರಾತ್ ರಾನಾ೦ತ್ ಸೊದ್ಲೆ೦,
ಮೆಳ್ಳಿ೦ ತುಟುಲ್ಲಿ೦ ಪಾ೦ಯ್ಜಾಣಾ೦....
ಕಾಳ್ಜಾಕ್ ತೊಪ್ಲ್ಯಾತ್ ವಿಕಾಳ್ ಕಾ೦ಟೆ ಹೆಣೆ೦,
ನಿರ್ಜೀವ್ ಬೊ೦ಬೆ ಮ್ಹುಜೆ೦ ಪೊಡ್ಲಾ೦ ತೆಣೆ೦....
-ಸನ್ನಿ ಸಿದ್ದಕಟ್ಟೆ
ಇದಕ್ಕೆ ಸಬ್ಸ್ಕ್ರೈಬ್ ಆಗಿ:
ಪೋಸ್ಟ್ಗಳು (Atom)